ਨਵਾਂਸ਼ਹਿਰ : 2 ਮਾਰਚ (ਬਿਊਰੋ) ਅੱਜ ਕਿਰਤੀ ਕਿਸਾਨ ਯੂਨੀਅਨ ਦੀ ਅਗਵਾਈ ਵਿਚ ਪਿੰਡ ਮਾਹਲ ਗਹਿਲਾਂ ਦੇ ਕਿਸਾਨਾਂ ਦਾ ਜੱਥਾ ਰਾਸ਼ਨ ਪਾਣੀ ਲੈਕੇ ਦਿੱਲੀ ਮੋਰਚੇ ਵਿੱਚ ਸ਼ਾਮਲ ਹੋਣ ਲਈ ਨਵਾਂਸ਼ਹਿਰ ਦੇ ਰਿਲਾਇੰਸ ਕੰਪਨੀ ਦੇ ਸਟੋਰ ਤੋਂ ਦਿੱਲੀ ਨੂੰ ਰਵਾਨਾ ਹੋਇਆ। ਇਸ ਜੱਥੇ ਵਿਚ ਸੁਰਿੰਦਰ ਸਿੰਘ, ਨਰਿੰਦਰ ਸਿੰਘ, ਸੁਰਜੀਤ ਸਿੰਘ, ਜਸਪਿੰਦਰ ਸਿੰਘ, ਸੁਖਦੇਵ ਸਿੰਘ, ਗੁਰਦਿਆਲ ਸਿੰਘ, ਪਰਮਜੀਤ ਸਿੰਘ, ਬਲਰਾਮ ਸਿੰਘ ਅਤੇ ਜਸਵੀਰ ਸਿੰਘ ਕਿਸਾਨ ਸ਼ਾਮਲ ਸਨ।ਸੁਰਿੰਦਰ ਸਿੰਘ ਅਤੇ ਨਰਿੰਦਰ ਸਿੰਘ ਨੇ ਦੱਸਿਆ ਕਿ ਉਹ 8-10 ਦਿਨ ਦਿੱਲੀ ਮੋਰਚੇ ਵਿਚ ਰਹਿਣਗੇ। ਉਹਨਾਂ ਕਿਹਾ ਕਿ ਕਿਸਾਨਾਂ ਦੇ ਹੌਂਸਲੇ ਬੁਲੰਦ ਹਨ। ਇਸ ਜੱਥੇ ਨੂੰ ਨਵਾਂਸ਼ਹਿਰ ਦੇ ਕਿਸਾਨੀ ਧਰਨੇ ਤੋਂ ਜਸਵੀਰ ਸਿੰਘ ਮਹਾਲੋਂ, ਗੁਰਦਿਆਲ ਰੱਕੜ ਨੇ ਰਵਾਨਾ ਕੀਤਾ।