ਨਵਾਂਸ਼ਹਿਰ,18 ਅਪ੍ਰੈਲ:( ਬਿਊਰੋ) ਮਾਣਯੋਗ ਸਿਵਲ ਸਰਜਨ, ਸ਼ਹੀਦ ਭਗਤ ਸਿੰਘ ਨਗਰ ਡਾ. ਗੁਰਦੀਪ ਸਿੰਘ ਕਪੂਰ ਦੇ ਦਿਸ਼ਾ ਨਿਰਦੇਸ਼ਾਂ ਤਹਿਤ ਅਤੇ ਸੀਨੀਅਰ ਮੈਡੀਕਲ ਅਫਸਰ ਡਾਕਟਰ ਮਨਦੀਪ ਕਮਲ ਦੀਆ ਹਦਾਇਤਾਂ ਅਨੁਸਾਰ ਅਤੇ ਡਾਕਟਰ ਹਰਪਿੰਦਰ ਸਿੰਘ ਅਤੇ ਡਾਕਟਰ ਇੰਦੂ ਕਟਾਰੀਆ, ਡਾਕਟਰ ਵਿਜੈ ਕੁਮਾਰ ਦੀ ਅਗਵਾਹੀ ਵਿੱਚ ਜਿਲ੍ਹਾ ਹਸਪਤਾਲ਼ ਨਵਾਂ ਸ਼ਹਿਰ, ਯੂ ਪੀ ਐਚ ਸੀ ਨਵਾਂ ਸ਼ਹਿਰ, ਸਨੇਹੀ ਮੰਦਰ ਨਵਾਂ ਸ਼ਹਿਰ ਵਿਖੇ ਟੀਕਾਕਰਣ ਕੈਂਪ ਲਗਵਾਇਆ ਗਿਆ। ਇਸ ਮੌਕੇ ਵਿਨੋਦ ਚੋਪੜਾ ਅਤੇ ਪਤੀ ਪਤਨੀ ਕਾਨ ਸਿੰਘ ਅਤੇ ਗੁਲਾਬ ਦੇਵੀ ਜੀ ਅਤੇ ਹੋਰ ਵਿਅਕਤੀਆਂ ਨੇ ਕੋਰੋਨਾ-19 ਵੈਕਸੀਨ ਪ੍ਰਤੀ ਲੋਕਾਂ ਦੇ ਮਨਾਂ ਵਿਚੋਂ ਅਫਵਾਹਾਂ ਨੂੰ ਦੂਰ ਕਰਨ ਲਈ ਅੱਜ ਉਪਰੋਕਤ ਥਾਵਾਂ ਵਿਖੇ ਪਹੁੰਚ ਕੇ ਖੁਦ ਕੋਵਿਡ-19 ਦਾ ਟੀਕਾ ਲਗਵਾਇਆ। ਇਸ ਮੌਕੇ ਸੀਨੀਅਰ ਮੈਡੀਕਲ ਅਫਸਰ ਡਾਕਟਰ ਮਨਦੀਪ ਕਮਲ ਜੀ ਨੇ ਕਿਹਾ ਕਿ 1 ਅਪ੍ਰੈਲ ਤੋਂ 45 ਸਾਲ ਤੋ ਉਪਰ ਦੇ ਵਿਅਕਤੀਆਂ ਨੂੰ ਵੀ ਕੋਵਿਡ ਵੈਕਸੀਨ ਲਗਾਈ ਜਾ ਰਹੀ ਹੈ ਉਹ ਆਪਣੇ ਨਾਲ ਅਧਾਰ ਕਾਰਡ ਜਰੂਰ ਲੈ ਕੇ ਆਣ। ਨੋਡਲ ਅਫ਼ਸਰ ਅਤੇ ਬੱਚਿਆਂ ਦੇ ਮਾਹਿਰ ਡਾਕਟਰ ਹਰਪਿੰਦਰ ਸਿੰਘ ਅਤੇ ਤਰਸੇਮ ਲਾਲ ਬਲਾਕ ਐਕਸਟੇਂਸ਼ਨ ਐਜੂਕੇਟਰ ਨੇ ਕਿਹਾ ਕਿ ਕੋਵਿਡ-19 ਵੈਕਸੀਨ ਪੂਰੀ ਤਰ੍ਹਾਂ ਨਾਲ ਸੁਰੱਖਿਅਤ ਹੈ ਅਤੇ ਇਸ ਦਾ ਕੋਈ ਸਾਈਡ ਇਫੈਕਟ ਨਹੀਂ ਹੈ। ਉਨ੍ਹਾਂ ਕਿਹਾ ਕਿ ਅਸੀ ਵੀ ਖੁਦ ਦੂਜਾ ਟੀਕਾ ਲਗਵਾਇਆ ਹੈ। ਸਾਨੂੰ ਕੋਈ ਸਮੱਸਿਆ ਪੇਸ਼ ਨਹੀਂ ਹੈ। ਲੋਕਾਂ ਨੂੰ ਟੀਕਾਕਰਨ ਸਬੰਧੀ ਕਿਸੇ ਤਰ੍ਹਾਂ ਦੀਆਂ ਅਫ਼ਵਾਹਾਂ ਤੋਂ ਸੁਚੇਤ ਕਰਦਿਆਂ ਕਿਹਾ ਕਿ ਇਹ ਟੀਕਾ ਪੂਰੀ ਤਰ੍ਹਾਂ ਨਾਲ ਸੁਰੱਖਿਅਤ ਹੈ। ਸ਼ਹੀਦ ਭਗਤ ਸਿੰਘ ਨਗਰ ਵਿਚ ਹੈਲਥ ਕੇਅਰ ਵਰਕਰਾਂ ਨੂੰ ਅਤੇ ਬਜੁਰਗਾ ਨੂੰ ਹੁਣ ਤੱਕ ਕਾਫੀ ਟੀਕੇ ਲਗਾਏ ਜਾ ਚੁੱਕੇ ਹਨ ਅਤੇ ਕਿਸੇ ਦੀ ਸਿਹਤ ਉੱਤੇ ਕੋਈ ਬੁਰਾ ਪ੍ਰਭਾਵ ਦੇਖਣ ਨੂੰ ਨਹੀਂ ਮਿਲਿਆ । ਉਨ੍ਹਾਂ ਕਿਹਾ ਕਿ ਲੋਕਾਂ ਵਿਚ ਕੋਵਿਡ-19 ਵੈਕਸੀਨ ਪ੍ਰਤੀ ਅਫਵਾਹਾਂ ਫੈਲ ਰਹੀਆਂ ਸਨ ਕਿ ਇਹ ਵੈਕਸੀਨ ਪਹਿਲੀ ਵਾਰ ਲਗਾਈ ਜਾ ਰਹੀ ਹੈ। ਅਸੀਂ ਵੀ ਅਜਿਹੀਆਂ ਅਫਵਾਹਾਂ ਬਾਰੇ ਪੜ੍ਹਿਆ ਹੈ ਪਰ ਅਸੀਂ ਲੋਕਾਂ ਨੂੰ ਭਰੋਸਾ ਦਿਵਾਉਣਾ ਚਾਹੁੰਦੇ ਹਾਂ ਕਿ ਲੋਕਾਂ ਨੂੰ ਡਰਨ ਦੀ ਕੋਈ ਜ਼ਰੂਰਤ ਨਹੀਂ ਹੈ। ਇਸ ਮੌਕੇ ਸਨੇਹੀ ਮੰਦਰ ਵਿਖੇ ਤਹਿਸੀਲਦਾਰ ਕੁਲਵੰਤ ਸਿੰਘ ਸਿੱਧੂ ਅਤੇ ਐਸ ਐਮ ਓ ਡਾਕਟਰ ਮਨਦੀਪ ਕਮਲ ਖਾਸ ਤੌਰ ਚੈਕਿੰਗ ਲਈ ਪੁੱਜੇ। ਅੱਜ ਉਪਰੋਕਤ ਥਾਵਾਂ ਤੇ ਵਿਨੋਦ ਚੋਪੜਾ ਅਤੇ ਪਤੀ ਪਤਨੀ ਕਾਨ ਸਿੰਘ ਅਤੇ ਗੁਲਾਬ ਦੇਵੀ ਜੀ ਵਲੋਂ ਕੋਵਿਡ-19 ਤਹਿਤ ਟੀਕਾਕਰਣ ਕਰਵਾਇਆ ਗਿਆ ਜਿਨ੍ਹਾਂ ਦੇ ਨਾਲ ਹੋਰ ਵੀ 45 ਸਾਲ ,60 ਸਾਲ ਤੋਂ ਉਪਰ, ਅਤੇ ਫ਼ਰੰਟ ਲਾਈਨ ਵਰਕਰ ਦੀਕਸਤ ਭਾਰਦੀਵਾਜ, ਵਿਨੋਦ ਚੋਪੜਾ, ਅਸ਼ੋਕ ਚੋਪੜਾ, ਮੁਕੇਸ਼ ਬਿੱਟੂ, ਪਰਦੀਪ ਖੰਨਾ, ਬੋਨੀ ਸੋਨੀ, ਮਨਦੀਪ ਪਾਠਕ ਅਤੇ ਪ੍ਰਬੰਧਕ ਕਮੇਟੀ, ਸਨੇਹੀ ਸੰਸਕੀਰਤਨ ਮੰਡਲ ਨਵਾਂਸ਼ਹਿਰ ਦੀ ਪ੍ਰਬੰਧਕ ਕਮੇਟੀ ਵਲੋਂ ਸੰਪੂਰਨ ਸਹਿਜੋਗ ਦਿੱਤਾ। ਇਸ ਮੌਕੇ ਡਾਕਟਰ ਵਿਜੈ ਕੁਮਾਰ, ਡਾਕਟਰ ਰੀਨਾ ਚੋਪੜਾ, ਡਾਕਟਰ ਮਨਦੀਪ ਵਿਰਦੀ, ਬਲਵਿੰਦਰ ਕੌਰ, ਪਿਆਰੀ ਸਟਾਫ, ਸੋਨੀਆ, ਰਿੰਪੀ ਸਹੋਤਾ ਮਨਪ੍ਰੀਤ ਕੌਰ,ਜੋਤੀ ਸ਼ਰਮਾ, ਬਲਜੀਤ ਕੌਰ, ਮਨਜੀਤ ਕੌਰ, ਏ ਐਨ ਐਮ, ਜੋਤੀ ਨਿਗਾਹ, ਜਸਪ੍ਰੀਤ ਕੌਰ ਸਟਾਫ, ਰਾਜੇਸ਼ ਕੁਮਾਰ, ਅਨੂਪ ਸਿੰਘ, ਸਵੇਦੀਪ ਸਿੰਘ ਪੁਲਸ ਪਾਰਟੀ ਤੇ ਉਨ੍ਹਾਂ ਦੇ ਸਾਥੀਆਂ ਵੀ ਹਾਜ਼ਰ ਸਨ।