ਨਵਾਂਸ਼ਹਿਰ 16 ਅਗਸਤ : - ਲਾਇਨ ਕਲੱਬ ਨਵਾਂਸ਼ਹਿਰ ਸਿਟੀ 321 ਦੀ ਵੱਲੋਂ ਹਰ ਸਾਲ ਦੀ ਤਰ੍ਹਾਂ ਇਸ ਵਾਰ ਵੀ ਵਿਸ਼ਾਲ ਖੂਨਦਾਨ ਕੈਂਪ ਬੀਡੀ ਸੀ ਦੇ ਸਹਿਯੋਗ ਨਾਲ ਖੂਨਦਾਨ ਭਵਨ ਰਾਹੋਂ ਰੋਡ ਨਵਾਂਸ਼ਹਿਰ ਵਿਖੇ ਲਗਾਇਆ ਗਿਆ ਕੈਂਪ ਦਾ ਉਦਘਾਟਨ ਗਵਰਨਰ ਪਰਮਜੀਤ ਸਿੰਘ ਚਾਵਲਾ, ਟਰਾਂਸਪੋਟਰ ਪ੍ਰਧਾਨ ਸਰਦਾਰ ਇਕਬਾਲ ਸਿੰਘ ਅਤੇ ਕਲੱਬ ਦੇ ਮੈਂਬਰਾਂ ਨੇ ਸਾਂਝੇ ਤੌਰ ਤੇ ਕੀਤਾ। ਤਿੰਨ ਦਿਨਾਂ ਚੱਲਣ ਵਾਲੇ ਇਸ ਕੈਂਪ ਵਿੱਚ ਪਹਿਲੇ ਦਿਨ 40 ਯੂਨਿਟ ਖੂਨ ਇਕੱਠਾ ਕੀਤਾ ਗਿਆ। ਇਸ ਮੌਕੇ ਸਰਦਾਰ ਪਰਮਜੀਤ ਸਿੰਘ ਚਾਵਲਾ ਨੇ ਦੱਸਿਆ ਕਿ ਖੂਨ ਦਾਨ ਇਕ ਮਹਾਦਾਨ ਹੈ, ਇਹ ਨਾ ਤਾਂ ਪੈਸੇ ਨਾਲ ਖਰੀਦਿਆ ਜਾ ਸਕਦਾ ਹੈ ਜਿਸ ਵਿਚ ਸੇਵਾ ਭਾਵਨਾ ਹੈ ਉਹੀ ਖੂਨਦਾਨ ਕਰਕੇ ਕਈ ਕੀਮਤੀ ਜਾਨਾਂ ਬਚਾਉਂਦਾ ਹੈ। ਇਸ ਮੌਕੇ ਪ੍ਰੋ: ਜੀ ਐੱਸ ਸੰਧੂ, ਡੀ ਐਸ ਪਾਬਲਾ, ਗੁਰਚਰਨ ਸਿੰਘ, ਐਮ ਪੀ ਸਿੰਘ, ਸੰਜੀਵ ਕੁਮਾਰ, ਚੇਤ ਰਾਮ ਰਤਨ, ਭੁਪਿੰਦਰਪਾਲ ਸਿੰਘ ਜੌਨੀ, ਕੁਲਦੀਪ ਭੂਸ਼ਨ, ਪ੍ਰੇਮਦੀਪ ਸਿੰਘ ਚੇੜਾ, ਸਰਬਜੀਤ ਸਿੰਘ, ਮਨੈਜਰ ਉ ਪੀ ਸ਼ਰਮਾ ਅਤੇ ਡਾਕਟਰ ਅਜੇ ਬੱਗਾ ਆਦਿ ਹਾਜ਼ਰ ਸਨ।