ਨਵਾਂਸ਼ਹਿਰ 27 ਅਗਸਤ (ਵਿਸ਼ੇਸ਼ ਪ੍ਰਤੀਨਿਧੀ) ਆਮ ਆਦਮੀ ਪਾਰਟੀ ਵੱਲੋਂ ਪੰਜਾਬ ਵਿੱਚ ਚਲਾਈ ਜਾ ਰਹੀ ਬਿਜਲੀ ਗਰੰਟੀ ਮੁਹਿੰਮ ਤਹਿਤ ਕੇਜਰੀਵਾਲ ਜੀ ਵੱਲੋਂ ਪੰਜਾਬ ਦੇ ਲੋਕਾਂ ਨੂੰ ਦਿੱਤੀ ਪਹਿਲੀ ਗਰੰਟੀ ਵਿੱਚ ਪੰਜਾਬ ਦੇ ਹਰ ਇੱਕ ਪਰਿਵਾਰ ਨੂੰ ਆਮ ਆਦਮੀ ਪਾਰਟੀ ਦੀ ਸਰਕਾਰ ਬਣਨ ਉਤੇ 300 ਯੂਨਿਟ ਬਿਜਲੀ ਪ੍ਰਤੀ ਮਹੀਨਾ ਅਤੇ ਦੋ ਮਹੀਨੇ ਦੇ ਬਿੱਲ ਉਤੇ 600 ਯੂਨਿਟ ਬਿਜਲੀ ਮੁਫ਼ਤ ਦਿੱਤੀ ਜਾਵੇਗੀ। ਪੰਜਾਬ ਦੇ 117 ਹਲਕਿਆਂ ਦੇ ਸਾਰੇ ਲੀਡਰਾਂ ਵੱਲੋਂ ਘਰ ਘਰ ਜਾਕੇ ਅਰਵਿੰਦ ਕੇਜਰੀਵਾਲ ਜੀ ਵੱਲੋਂ ਦਿੱਤੀ ਬਿਜਲੀ ਦੀ ਗਰੰਟੀ ਦੇ ਗਰੰਟੀ ਕਾਰਡ ਵੰਡੇ ਜਾ ਰਹੇ ਹਨ। ਲੋਕਾਂ ਵੱਲੋਂ ਵੀ ਇਸ ਮੁਹਿੰਮ ਨੂੰ ਭਰਵਾਂ ਹੁੰਗਾਰਾ ਦਿੱਤਾ ਜਾ ਰਿਹਾ ਹੈ ਅਤੇ ਹਲਕਾ ਨਵਾਂਸ਼ਹਿਰ ਤੋਂ ਆਮ ਆਦਮੀ ਪਾਰਟੀ ਯੂਥ ਵਿੰਗ ਪੰਜਾਬ ਦੇ ਸੂਬਾ ਸੰਯੁਕਤ ਸਕੱਤਰ ਸਤਨਾਮ ਸਿੰਘ ਜਲਵਾਹਾ ਵੱਲੋਂ ਪਿੰਡ ਪਿੰਡ ਅਤੇ ਹਰ ਗਲੀ ਮੁਹੱਲੇ ਵਿੱਚ ਜਾਕੇ ਜੋ ਸਖ਼ਤ ਮਿਹਨਤ ਕੀਤੀ ਜਾ ਰਹੀ ਹੈ ਉਸਦੀ ਬਦੌਲਤ ਅੱਜ ਪੰਜਾਬ ਭਰ ਦੇ ਸਾਰੇ ਲੀਡਰਾਂ ਵਿੱਚੋਂ ਸਤਨਾਮ ਸਿੰਘ ਜਲਵਾਹਾ ਨੂੰ ਆਮ ਆਦਮੀ ਪਾਰਟੀ ਦੀ ਸਮੁੱਚੀ ਪੰਜਾਬ ਅਤੇ ਕੇਂਦਰੀ ਲੀਡਰਸ਼ਿਪ ਵਲੋਂ ਪੰਜਾਬ ਵਿੱਚੋਂ ਪਹਿਲਾਂ ਸਥਾਨ ਦੇਕੇ ਬਹੁਤ ਵੱਡਾ ਮਾਣ ਬਖਸ਼ਿਆ ਹੈ, ਅੱਜ ਪਾਰਟੀ ਵੱਲੋਂ ਕਰਵਾਏ ਮਿਹਨਤੀ ਲੀਡਰਾਂ ਦੇ ਮੁਕਾਬਲੇ ਵਿੱਚ ਸਤਨਾਮ ਸਿੰਘ ਜਲਵਾਹਾ ਨੇ ਆਪਣੀ ਮਿਹਨਤ ਦਾ ਲੋਹਾ ਮਨਵਾਉਦਿਆਂ ਹੋਇਆ ਪੰਜਾਬ ਵਿੱਚੋ ਪਹਿਲੇ ਨੰਬਰ ਉੱਤੇ ਆਕੇ ਜਿਥੇ ਆਪਣੀ ਟੀਮ ਦਾ ਮਾਣ ਵਧਾਇਆ ਹੈ ਉਥੇ ਹਲਕਾ ਨਵਾਂਸ਼ਹਿਰ ਦਾ ਨਾਮ ਵੀ ਪੰਜਾਬ ਪੱਧਰ ਉੱਤੇ ਰੌਸ਼ਨ ਕੀਤਾ ਹੈ। ਪੱਤਰਕਾਰ ਨੂੰ ਸੰਬੋਧਨ ਕਰਦਿਆਂ ਸਤਨਾਮ ਸਿੰਘ ਜਲਵਾਹਾ ਨੇ ਕਿਹਾ ਕਿ ਪੰਜਾਬ ਵਿੱਚੋਂ ਪਹਿਲੇ ਸਥਾਨ ਉੱਤੇ ਆਉਣ ਦਾ ਸਿਹਰਾ ਉਹ ਆਪਣੀ ਸਾਰੀ ਮਿਹਨਤੀ ਟੀਮ ਨੂੰ ਦਿੰਦੇ ਹਨ। ਹਰ ਪਿੰਡ ਅਤੇ ਹਰ ਵਾਰਡ ਵਿੱਚ ਪਾਰਟੀ ਨਾਲ ਜੁੜੇ ਜੁਝਾਰੂ ਵਲੰਟੀਅਰ ਸਾਥੀਆਂ ਨੇ ਅੱਜ ਤੱਕ ਹਮੇਸ਼ਾ ਉਨ੍ਹਾਂ ਨਾਲ ਮੋਢੇ ਨਾਲ ਮੋਢਾ ਲਾਕੇ ਕੰਮ ਕੀਤਾ ਹੈ ਅਤੇ ਇਹ ਸਾਰਾ ਕਰੈਡਿਟ ਵੀ ਉਹ ਆਪਣੀ ਟੀਮ ਨੂੰ ਦਿੰਦੇ ਹਨ। ਜਲਵਾਹਾ ਨੇ ਕਿਹਾ ਕਿ ਮੇਰੇ ਨਾਲ ਸਾਥ ਦਿੰਦੇ ਹੋਏ ਯੂਥ ਵਿੰਗ ਦੇ ਜ਼ਿਲ੍ਹਾ ਪ੍ਰਧਾਨ ਮਨਦੀਪ ਸਿੰਘ ਅਟਵਾਲ, ਕਿਸਾਨ ਵਿੰਗ ਦੇ ਜ਼ਿਲ੍ਹਾ ਪ੍ਰਧਾਨ ਸੁਰਿੰਦਰ ਸਿੰਘ ਸੰਘਾ, ਬਲਾਕ ਪ੍ਰਧਾਨ ਭੁਪਿੰਦਰ ਸਿੰਘ ਉੜਾਪੜ, ਬਲਾਕ ਪ੍ਰਧਾਨ ਕੁਲਵੰਤ ਸਿੰਘ ਰਕਾਸਣ, ਸੀਨੀਅਰ ਆਗੂ ਗੁਰਦੇਵ ਸਿੰਘ ਮੀਰਪੁਰ,ਰਾਹੋਂ ਦੇ ਸਰਕਲ ਪ੍ਰਧਾਨ ਜੋਗੇਸ਼ ਜੋਗਾ, ਸਰਕਲ ਪ੍ਰਧਾਨ ਟੀਟੂ ਆਹੂਜਾ ਰਾਹੋਂ, ਦਵਿੰਦਰ ਸਿੰਘ ਭਾਰਟਾ,ਭਗਤ ਰਾਮ ਰਾਹੋਂ,ਗੁਲਭੂਸ਼ਣ ਚੋਪੜਾ ਰਾਹੋਂ, ਸੁਰੇਸ਼ ਚੋਪੜਾ ਜੀ, ਬਲਵਿੰਦਰ ਸਿੰਘ, ਯੋਧਵੀਰ ਕੰਗ,ਵਿਜੇ ਕੁਮਾਰ ਸੋਨੀ,ਪਿਆਰਾ ਸਿੰਘ ਗੜੀ,ਗਗਨ ਮੀਰਪੁਰੀ,ਰਵੀ ਕੁਮਾਰ,ਤਾਰੀ ਉਟਾਲ, ਮੁਕੇਸ਼ ਜਾਡਲਾ, ਪ੍ਰੋਫੈਸਰ ਗੁਰਭਿੰਦਰ ਕੋਰ, ਓਕਾਂਰ ਕੰਗ, ਜਸਵੀਰ ਸ਼ੇਖੂਪੁਰ ਪ੍ਰਸ਼ੋਤਮ ਗੋਰਖਪੁਰ, ਮੈਡਮ ਪ੍ਰੀਆ,ਮੈਡਮ ਸੋਨੀਆ ਸਲੋਹ, ਜੱਸੀ ਸਲੋਹ,ਹਰਦੀਪ ਬੌਬੀ ਕੋਟਰਾਂਝਾ, ਬਲਿਹਾਰ ਭਾਰਟਾ,ਰਮਨ ਕਲੇਰ ਆਦਿ ਸਾਰੇ ਸਾਥੀਆਂ ਵੱਲੋਂ ਦਿੱਤੇ ਅਥਾਹ ਸਹਿਯੋਗ ਸਦਕਾ ਹੀ ਪੰਜਾਬ ਵਿੱਚੋਂ ਪਹਿਲੇ ਨੰਬਰ ਉੱਤੇ ਆਕੇ ਆਪਣੇ ਹਲਕੇ ਦਾ ਅਤੇ ਆਪਣੀ ਟੀਮ ਦਾ ਨਾਮ ਰੌਸ਼ਨ ਕਰਨ ਵਿੱਚ ਕਾਮਯਾਬ ਹੋਏ ਹਾਂ ਅਤੇ ਜਲਵਾਹਾ ਨੇ ਕਿਹਾ ਕਿ ਮੈ ਆਪਣੇ ਹਲਕੇ ਦੇ ਹਰ ਇੱਕ ਵਲੰਟੀਅਰ ਦਾ ਤਹਿ ਦਿਲੋਂ ਧੰਨਵਾਦ ਕਰਦਾ ਹਾਂ ਅਤੇ ਪੰਜਾਬ ਵਿੱਚੋਂ ਪਹਿਲੇ ਸਥਾਨ ਉੱਤੇ ਆਉਣ ਦੀ ਹਰੇਕ ਸਾਥੀ ਨੂੰ ਵਧਾਈ ਦਿੰਦਾਂ ਹਾਂ।