ਨਵਾਂਸ਼ਹਿਰ : 12 ਜੁਲਾਈ (ਵਿਸ਼ੇਸ਼ ਪ੍ਰਤੀਨਿਧੀ) ਅੱਜ ਪਿੰਡ ਜਾਡਲਾ ਵਿਖੇ ਟੀਮ ਮੇਰਾ ਪਿੰਡ ਜਾਡਲਾ ਕਲੱਬ ਵੱਲੋਂ ਐੱਨ ਆਰ ਆਈ ਵੀਰਾਂ, ਗਰਾਮ ਪੰਚਾਇਤ ਜਾਡਲਾ ਅਤੇ ਨਗਰ ਨਿਵਾਸੀਆਂ ਵੱਲੋਂ ਸਲਾਨਾ ਕ੍ਰਿਕਟ ਟੂਰਨਾਮੈਂਟ ਸ਼ੁਰੂ ਕੀਤਾ ਗਿਆ ਜਿਸ ਦਾ ਉਦਘਾਟਨ ਸਰਪੰਚ ਰਜਿੰਦਰ ਸਿੰਘ ਰਠੌਰ ,ਐਨ ਆਰ ਆਈ ਨੰਬਰਦਾਰ ਸੁਖਵਿੰਦਰ ਸਿੰਘ ਮਿੰਟੂ, ਲੱਕੀ ਦੱਤਾ, ਸੂਬੇਦਾਰ ਪਰਮਾਲ ਸਿੰਘ ਰਾਣਾ, ਸ਼ਿਵ ਕੁਮਾਰ ਛਿੱਥਾ ਨੇ ਸਾਂਝੇ ਤੌਰ ਤੇ ਕੀਤਾ। ਕ੍ਰਿਕਟ ਟੂਰਨਾਮੈਂਟ ਦੇ ਆਰੰਭ ਮੌਕੇ ਸਰਪੰਚ ਸ. ਰਾਠੌਰ ਅਤੇ ਮਿੰਟੂ ਜਾਡਲਾ ਨੇ ਦੱਸਿਆ ਕਿ ਇਹ ਟੂਰਨਾਮੈਂਟ ਐਨ ਆਰ ਆਈ ਵੀਰਾ ਅਤੇ ਨੌਜਵਾਨਾਂ ਦੇ ਸਹਿਯੋਹ ਨਾਲ ਹਰੇਕ ਸਾਲ ਕਰਵਾਇਆ ਜਾਂਦਾ ਹੈ ਤਾਂ ਜੋ ਸਾਡੀ ਨੌਜਵਾਨ ਪੀੜ੍ਹੀ ਨਸ਼ਿਆਂ ਤੋਂ ਦੂਰ ਰਹਿ ਕੇ ਚੰਗੇ ਖਿਡਾਰੀ ਬਣ ਸਕਣ। ਉਨ੍ਹਾਂ ਕਿਹਾ ਕਿ ਖੇਡਾਂ ਸਾਡੇ ਸਰੀਰ ਲਈ ਬਹੁਤ ਜ਼ਰੂਰੀ ਹਨ ਜਿੱਥੇ ਸਾਨੂੰ ਚੰਗੀ ਸੇਧ ਮਿਲਦੀ ਹੈ ਖਿਡਾਰੀਆਂ ਵਿੱਚ ਆਪਸੀ ਪਿਆਰ ਪੈਦਾ ਹੁੰਦਾ ਹੈ। ਅੱਜ ਦਾ ਉਦਘਾਟਨੀ ਮੈਚ ਜੰਡਿਆਲਾ ਅਤੇ ਮਾਹਲਖੁਰਦ ਦੀ ਟੀਮ ਵਿਚਕਾਰ ਹੋਇਆ ਜਿਸ ਵਿੱਚ ਮਾਹਲ ਖੁਰਦ ਦੀ ਟੀਮ ਜੇਤੂ ਰਹੀ। ਸ੍ਰੀ ਲੱਕੀ ਦੱਤਾ ਨੇ ਦੱਸਿਆ ਕਿ ਜੇਤੂ ਟੀਮਾਂ ਨੂੰ ਨਗਦ ਰਾਸ਼ੀ ਅਤੇ ਟਰਾਫੀ ਜਿੱਤੀ ਜਾਵੇਗੀ । ਇਸ ਮੌਕੇ ਸੰਨੀ, ਮੀਨੂੰ ਰਾਣਾ ਵਿੱਕੀ ਮਾਵੀ, ਬਾਲ ਕ੍ਰਿਸ਼ਨ, ਸੁਰੇਸ਼ ਰਾਣਾ ਆਦਿ ਹਾਜ਼ਰ ਸਨ।