ਮਿਰਜਾਪੁਰ ਅਤੇ
ਹੁਸੈਨਪੁਰ ਦਾ ਦੌਰਾ ਕਰਕੇ ਚੱਲ ਰਹੇ ਰਾਹਤ ਪ੍ਰਬੰਧਾਂ ਦਾ ਜਾਇਜ਼ਾ ਲਿਆ। ਇਸ ਮੌਕੇ ਉਨ੍ਹਾਂ ਦੇ
ਨਾਲ ਏ.ਡੀ.ਸੀ ਰਾਜੀਵ ਵਰਮਾ ਅਤੇ ਐਸ.ਡੀ.ਐਮ ਨਵਾਂਸ਼ਹਿਰ ਸ਼ਿਵਰਾਜ ਸਿੰਘ ਬੱਲ ਵੀ ਮੌਜੂਦ ਸਨ।
ਡਿਪਟੀ ਕਮਿਸ਼ਨਰ ਨੇ ਕਿਹਾ ਕਿ ਪ੍ਰਸ਼ਾਸਨਿਕ ਅਧਿਕਾਰੀਆਂ ਅਤੇ ਪਿੰਡ ਵਾਸੀਆਂ ਦੇ
ਸਹਿਯੋਗ ਦੇ ਨਾਲ ਪਿੰਡ ਨਾਲ ਲੱਗਦੇ ਦਰਿਆ ਦੇ ਬੰਨ੍ਹਾਂ ਨੂੰ ਚੌੜਾ ਅਤੇ ਮਜ਼ਬੂਤ ਕੀਤਾ ਗਿਆ ਹੈ
। ਫਿਰ ਵੀ ਪਿਛਲੇ ਚੌਵੀ ਘੰਟੇ ਦੌਰਾਨ ਪਾਣੀ ਦੇ ਤੇਜ਼ ਵਹਾਅ ਦੇ ਕਾਰਨ ਬੰਨਾਂ ਨੂੰ ਥੋੜ੍ਹਾ
ਜਿਹਾ ਨੁਕਸਾਨ ਪੁੱਜਿਆ ਹੈ। ਇਸ ਨੂੰ ਫਿਰ ਤੋਂ ਜੇ.ਸੀ.ਬੀ ਦੀ ਮਸ਼ੀਨ ਦੇ ਨਾਲ ਚੌੜਾ ਅਤੇ
ਮਜ਼ਬੂਤ ਕੀਤਾ ਜਾ ਰਿਹਾ ਹੈ। ਉਨ੍ਹਾਂ ਨੇ ਦੱਸਿਆ ਕਿ ਫਿਲਹਾਲ ਹੁਣ ਇਸ ਸਮੇਂ ਦਰਿਆ ਦੇ ਵਿੱਚ
ਪਾਣੀ ਦੀ ਮਾਤਰਾ ਘੱਟ ਹੈ। ਮਿਰਜ਼ਾਪੁਰ ਵਿਖੇ ਦਰਿਆ ਦੇ ਦੂਸਰੇ ਪਾਸੇ ਵੀ ਫ਼ਸਲਾਂ ਵਾਲੀ ਜ਼ਮੀਨ
5 ਫੁੱਟ ਉੱਚੀ ਹੈ। ਜਿਸ ਹਿਸਾਬ ਦੇ ਨਾਲ ਦਰਿਆ ਦੇ ਵਿਚ ਪਾਣੀ ਚੱਲ ਰਿਹਾ ਹੈ, ਕਿਸੇ ਤਰ੍ਹਾਂ
ਦੇ ਖਤਰੇ ਦੀ ਕੋਈ ਗੱਲ ਨਹੀਂ। ਜੇਕਰ ਦਰਿਆ ਦੇ ਵਿੱਚ ਪਾਣੀ ਦੀ ਉਚਾਈ ਵੱਧਦੀ ਹੈ, ਤਾਂ ਹੀ
ਪਾਣੀ ਬੰਨ ਪਾਰ ਕਰਕੇ ਫ਼ਸਲਾਂ ਨੂੰ ਖਰਾਬ ਕਰ ਸਕਦਾ ਹੈ। ਇਸ ਨਾਲ ਨਿਪਟਣ ਦੇ ਲਈ ਪ੍ਰਸ਼ਾਸਨ
ਪੂਰੀ ਤਰ੍ਹਾਂ ਨਾਲ ਤਿਆਰ ਹੈ ਅਤੇ ਬੰਨਾਂ ਨੂੰ ਮਜ਼ਬੂਤ ਕਰਕੇ ਪੁਖ਼ਤਾ ਪ੍ਰਬੰਧ ਕੀਤੇ ਗਏ ਹਨ।
ਜੇ.ਸੀ.ਬੀ ਮਸ਼ੀਨਾਂ ਦੇ ਰਾਹੀਂ ਮਿੱਟੀ ਦੀਆਂ ਬੋਰੀਆਂ ਅਤੇ ਜਾਲ ਵਿਛਾ ਕੇ ਬੰਨ ਮਜ਼ਬੂਤ ਕੀਤਾ
ਜਾ ਰਿਹਾ ਹੈ।
ਉਨ੍ਹਾਂ ਨੇ ਦੱਸਿਆ ਕਿ ਪਿੰਡ ਹੁਸੈਨਪੁਰ ਵਿਖੇ ਦਰਿਆ ਦੀ ਬੰਨ ਵਾਲੀ ਸਾਈਡ ਤੋਂ
ਲੰਬਾਈ ਜ਼ਿਆਦਾ ਹੈ ਜੋ ਕਿ ਦੋ ਕਿਲੋਮੀਟਰ ਦੇ ਕਰੀਬ ਹੈ। ਇੱਥੇ ਵੀ ਪਾਣੀ ਆਪਣਾ ਰਸਤਾ ਬਦਲ ਰਿਹਾ
ਹੈ। ਜਿੱਥੇ ਕਿੱਤੇ ਬੰਨ ਦੇ ਖੂਰਨ ਦਾ ਖਤਰਾ ਹੈ, ਉਥੇ ਬੰਨ ਨੂੰ ਪੱਥਰਾਂ ਅਤੇ ਜਾਲ ਰਾਹੀਂ
ਮਜ਼ਬੂਤ ਕੀਤਾ ਜਾ ਰਿਹਾ ਹੈ।
ਡਿਪਟੀ ਕਮਿਸ਼ਨਰ ਨੇ ਦੱਸਿਆ ਕਿ ਐੱਨ.ਡੀ.ਆਰ.ਐਫ ਦੀਆਂ ਟੀਮਾਂ ਵੀ ਜ਼ਿਲ੍ਹੇ ਦੇ
ਵਿੱਚ ਤਿਆਰ ਹਨ। ਜੇਕਰ ਇਨ੍ਹਾਂ ਦੀ ਜ਼ਰੂਰਤ ਪੈਂਦੀ ਹੈ ਸੇਵਾਵਾਂ ਲਈਆਂ ਜਾਣਗੀਆਂ। ਦਰਿਆ ਦੇ
ਨਾਲ ਲੱਗਦੇ ਪਿੰਡ ਵਾਸੀਆਂ ਨੂੰ ਅਪੀਲ ਕਰਦੇ ਹੋਏ ਡਿਪਟੀ ਕਮਿਸ਼ਨਰ ਨੇ ਕਿਹਾ ਕਿ ਆਪਣੇ ਜਾਨਵਰ
ਲੈ ਕੇ ਦਰਿਆ ਦੇ ਵਿਚ ਨਾ ਜਾਣ। ਜੇਕਰ ਦਰਿਆ ਦੇ ਵਿੱਚ ਪਾਣੀ ਦਾ ਪੱਧਰ ਵੱਧਦਾ ਹੈ, ਤਾਂ
ਨੁਕਸਾਨ ਹੋਣ ਦਾ ਖਤਰਾ ਬਣਿਆ ਰਹਿੰਦਾ ਹੈ। ਬੱਚਿਆਂ ਨੂੰ ਵੀ ਦਰਿਆ ਅਤੇ ਨਹਿਰਾਂ ਦੇ ਵਿੱਚ
ਨਹਾਉਣ ਤੋਂ ਰੋਕਿਆ ਜਾਵੇ, ਤਾਂ ਜੋ ਕਿਸੇ ਤਰ੍ਹਾਂ ਦਾ ਜਾਣੀ ਨੁਕਸਾਨ ਨਾ ਹੋ ਸਕੇ।
ਫੋਟੋ ਕੈਪਸ਼ਨ: ਡਿਪਟੀ ਕਮਿਸ਼ਨਰ ਨਵਜੋਤ ਪਾਲ ਸਿੰਘ ਰੰਧਾਵਾ ਪਿੰਡ ਮਿਰਜ਼ਾਪੁਰ ਅਤੇ ਹੁਸੈਨਪੁਰ
ਵਿਖੇ ਚੱਲ ਰਹੇ ਪ੍ਰਬੰਧਾਂ ਦਾ ਲਿਆ ਜਾਇਜ਼ਾ ਲੈਂਦੇ ਹੋਏ ਉਨ੍ਹਾਂ ਦੇ ਨਾਲ ਏ.ਡੀ.ਸੀ ਰਾਜੀਵ
ਵਰਮਾ ਅਤੇ ਐਸ.ਡੀ.ਐਮ ਨਵਾਂਸ਼ਹਿਰ ਸ਼ਿਵਰਾਜ ਸਿੰਘ ਬੱਲ ।