ਨਵਾਂਸ਼ਹਿਰ:-28 ਜਨਵਰੀ (ਐਨ ਟੀ ਟੀਮ) ਸਿੱਖਿਆ ਵਿਭਾਗ ਵੱਲੋਂ ਸਕੂਲਾਂ ਵਿੱਚ ਸਿੱਖਿਆ ਦਾ ਮਿਆਰ ਉੱਚਾ ਚੁੱਕਣ ਲਈ ਤੇ ਸਿੱਖਿਆ ਸੁਧਾਰਾਂ ਨੂੰ ਹੋਰ ਉਸਾਰੂ ਬਣਾਉਣ ਦੀ ਮੁਹਿੰਮ ਤੇ ਜਗਜੀਤ ਸਿੰਘ ਜਿਲਾ ਸਿੱਖਿਆ ਅਫਸਰ (ਸੈ. ਸਿ.) ਦੇ ਸ਼ਲਾਘਾਯੋਗ ਤੇ ਯਤਨਸ਼ੀਲ ਕਾਰਜਾਂ ਸਦਕਾ ਸਰਕਾਰੀ ਕੰਨਿਆ ਹਾਈ ਸਕੂਲ ਖਾਨਖਾਨਾ ਵਿੱਚ ਸਮਾਜਿਕ ਸਿੱਖਿਆ ਐਜੂਕੇਸ਼ਨਲ ਪਾਰਕ ਤਿਆਰ ਕੀਤਾ ਗਿਆ ਹੈ। ਸਕੂਲ ਮੁਖੀ ਸੁਖਵਿੰਦਰ ਕੁਮਾਰ ਨੇ ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਕਿਹਾ ਕਿ ਸਕੂਲ ਦੇ ਸ.ਸ. ਮਾਸਟਰ ਵਲੋਂ ਤਿਆਰ ਕੀਤੇ ਆਕਰਸ਼ਕ ਪਲਾਨ ਤਹਿਤ ਇਹ ਵਿਦਿਅਕ ਪਾਰਕ ਤਿਆਰ ਕੀਤੀ ਗਈ ਹੈ। ਜਿਸ ਵਿੱਚ ਸਕੂਲ ਦੇ ਰਿਟਾਇਰਡ ਕਰਮਚਾਰੀਆਂ ਜਿਹਨਾਂ ਵਿੱਚ ਪਰਮਜੀਤ ਸਿੰਘ ਸੀ ਮਾਸਟਰ ਤੇ ਮੈਡਮ ਕੁਲਵਿੰਦਰ ਕੌਰ (ਰਿਟਾਇਰਡ ਬਾਬਾ ਗੋਲਾ ਬੰਗਾ) ਵਲੋਂ ਆਪਣੇ ਕੋਲੋਂ ਸੰਸਥਾ ਦੀ ਦਾਨ ਵਜੋਂ ਵਿੱਤੀ ਮਦਦ ਕਰਕੇ ਇਸ ਪਾਰਕ ਵਿੱਚ ਭਾਰਤ ਅਤੇ ਪੁਰਾਣੇ ਪੰਜਾਬ ਦਾ ਨਕਸ਼ਾ ਤਿਆਰ ਕਰਵਾ ਕੇ ਦਿੱਤਾ ਹੈ। ਇਸ ਮੌਕੇ ਦਲਜੀਤ ਸਿੰਘ ਪੰਜਾਬੀ ਮਾਸਟਰ, ਮੈਡਮ ਰਵੀਨਾ ਅੰਗਰੇਜ਼ੀ ਅਧਿਆਪਕ , ਮੈਡਮ ਰੁਚੀ ਮੈਥ ਅਧਿਆਪਕ, ਮੈਡਮ ਆਰਤੀ ਗੌਡ ਸਾਇੰਸ ਅਧਿਆਪਕ, ਮੈਡਮ ਸੰਤੋਸ਼ ਕੁਮਾਰੀ ਹਿੰਦੀ ਅਧਿਆਪਕ, ਮੈਡਮ ਪੂਨਮ ਡੀ ਪੀ ਈ, ਅਧਿਆਪਕ ਤੋਂ ਇਲਾਵਾ ਮਿਸ਼ਨ ਸ਼ਤ ਪ੍ਰਤੀਸ਼ਤ ਲਈ ਤਿਆਰ ਕੀਤੇ ਅੱਠਵੀਂ ਤੇ ਦਸਵੀਂ ਜਮਾਤ ਦੇ 90 ਪ੍ਰਤੀਸ਼ਤ ਤੋਂ ਵੱਧ ਅੰਕ ਪ੍ਰਾਪਤ ਕਰਨ ਵਾਲੇ ਵਿਦਿਆਰਥੀ ਹਾਜ਼ਰ ਸਨ।