ਪਟਿਆਲਾ : 26 ਦਸਂਬਰ : - ਪਟਿਆਲਾ ਦੇ ਪੋਲੋ ਗ੍ਰਾਉੰਡ ਦੇ ਇਨਡੋਰ ਸਟੇਡੀਅਮ ਵਿਚ ਅੱਜ 33 ਵੀਂ ਰਾਸ਼ਟਰੀ ਕੋਰਫਬਾਲ ਪ੍ਰਤਿਯੋਗਤਾ ਦਾ ਆਰੰਭ ਹੋਇਆ । ਉਦਘਾਟਨੀ ਮੈਚ ਪੰਜਾਬ ਅਤੇ ਪਾਂਡੀਚੇਰੀ ਵਿਚ ਹੋਇਆ, ਇਹ ਮੈਚ ਪੰਜਾਬ ਨੇ 14-3 ਦੇ ਫਰਕ ਨਾਲ ਜਿਤਿਆ । ਇਸ ਮੌਕੇ ਮੁੱਖ ਮਹਿਮਾਨ ਸ. ਐਸ ਪੀ ਸਿੰਘ ਓਬਰਾਏ ਨੇ ਕਰਮਜੀਤ ਸਿੰਘ ਜਸਰਵਾਲਿਆ ਜੀ ਨੂੰ ਭਾਵ-ਭਿੰਨੀ ਸਰਧਾਂਜਲੀ ਦੇਂਦੇ ਹੋਏ ਉਹਨਾਂ ਦੇ ਖੇਡਾਂ ਪ੍ਰਤੀ ਸਮਰਪਣ ਅਤੇ ਯੋਗਦਾਨ ਨੂੰ ਯਾਦ ਕੀਤਾ। ਡਾ ਐੱਸ ਪੀ ਐੱਸ ਓਬਰਾਏ ਨੇ ਕੋਰਫਬਾਲ ਐਸੋਸੀਏਸ਼ਨ ਲਈ ਸਵਾ ਲੱਖ ਰੁਪਏ ਅਤੇ ਟੂਰਨਾਮੈਂਟ ਖੇਡਣ ਆਏ ਤਕਰੀਬਨ 500 ਖਿਡਾਰੀਆਂ ਲਈ 500 ਰੁਪਏ ਹਰੇਕ ਖਿਡਾਰੀ ਨੂੰ ਦੇਣ ਦਾ ਐਲਾਨ ਕੀਤਾ । ਉਹਨਾਂ ਨੇ ਕੋਰਫਬਾਲ ਐਸੋਸੀਏਸ਼ਨ ਆਫ ਪੰਜਾਬ ਦੇ ਯਤਨਾਂ ਦੀ ਤਾਰੀਫ ਕਰਦੇ ਹੋਏ ਇਕ ਕਾਮਯਾਬ ਟੂਰਨਾਮੈਂਟ ਲਈ ਮੁਬਾਰਕਬਾਦ ਦਿੱਤੀ । ਕੋਰਫਬਾਲ ਐਸੋਸੀਏਸ਼ਨ ਆਫ ਪੰਜਾਬ ਦੇ ਪ੍ਰਧਾਨ ਸ. ਬਿਕਰਮ ਜੀਤ ਸਿੰਘ ਬਰਾੜ ਨੇ ਯਕੀਨ ਦਿਵਾਇਆ ਕਿ ਉਹ ਕੋਰਫਬਾਲ ਦੇ ਪ੍ਰਸਾਰ ਅਤੇ ਵਿਕਾਸ ਲਈ ਵਚਨਬੱਧ ਹਨ ਅਤੇ ਇਸ ਖੇਡ ਦੇ ਵਿਕਾਸ ਲਈ ਹਮੇਸ਼ਾ ਹਰ ਸਹਾਇਤਾ ਦੇਣਗੇ । ਇਸ ਮੌਕੇ ਕੋਰਫਬਾਲ ਫੈਡਰੇਸ਼ਨ ਆਫ ਇੰਡੀਆ ਦੇ ਪ੍ਰਧਾਨ ਸ਼੍ਰੀ ਹਿਮਾਂਸ਼ੂ ਮਿਸ਼ਰਾ, ਪ੍ਰਦੀਪ ਕੁਮਾਰ ਟੋਪਲ ਸੇਕ੍ਰੇਟਰੀ , ਡਾ ਦਇਆਇੰਦਰ ਸਿੰਘ ਸਿੱਧੂ , ਸ਼੍ਰੀ ਰਾਜੇਸ਼ ਧੀਮਾਨ , ਸ਼੍ਰੀ ਵਰਿੰਦਰ ਸਿੰਘ ਬਰਾੜ , ਡਾ ਕਮਲਦੀਪ ਸਿੰਘ , ਡਾ ਜਨਕ ਰਾਜ , ਸ਼੍ਰੀ ਅੰਕਿਤ ਸੀਡਾਨਾ , ਸ਼੍ਰੀ ਵਿਸ਼ਾਲ ਨੰਦਾ , ਸ਼੍ਰੀ ਟੀ ਐੱਸ ਸੰਧੂ , ਮੇਜ਼ਰ ਰਾਜਪ੍ਰੀਤ ਸਿੰਘ , ਹਰਜਿੰਦਰ ਸਿੰਘ ਸਰਾਂ , ਇੰਸਪੈਕਟਰ ਪ੍ਰੀਤਇੰਦਰ ਸਿੰਘ , ਸ਼੍ਰੀ ਜਸਦੀਪ ਸਿੰਘ , ਸ਼੍ਰੀ ਜਸਪ੍ਰੀਤ ਸਿੰਘ , ਸ਼੍ਰੀ ਬਲਵਿੰਦਰ ਸਿੰਘ ਜੱਸਲ , ਡਾ ਅਮਰਪ੍ਰੀਤ ਸਿੰਘ , ਸ਼੍ਰੀ ਹਰਜਿੰਦਰ ਸਿੰਘ ਜਿੰਦਰ , ਸ਼੍ਰੀ ਤਰਨਜੀਤ ਸਿੰਘ ਡੇਜ਼ੀ ਅਤੇ ਸ਼੍ਰੀ ਸ਼ੁਭਮ ਵੀ ਹਾਜ਼ਰ ਸਨ। ਇਸ ਮੌਕੇ ਨੋਰਥ ਜ਼ੋਨ ਕਲਚਰਲ ਸੈਂਟਰ ਵਲੋਂ ਰੰਗਾਰੰਗ ਪ੍ਰੋਗਰਾਮ ਵੀ ਪੇਸ਼ ਕੀਤਾ ਗਿਆ ।