ਅੰਮ੍ਰਿਤਸਰ 19 ਅਪ੍ਰੈਲ : ਡਾ. ਇੰਦਰਬੀਰ ਸਿੰਘ ਨਿੱਜਰ, ਮੰਤਰੀ ਸਥਾਨਕ ਸਰਕਾਰਾਂ ਦੇ
ਯਤਨਾਂ ਸਦਕਾ ਅੱਜ ਹਲਕਾ ਦੱਖਣੀ ਅਧੀਂਨ ਪੈਂਦੇ ਏਰੀਆ ਰਾਧਾ ਕ੍ਰਿਸ਼ਨ ਕਾਲੋਨੀ ਨਜਦੀਕ
ਭਗਤਾਂ ਵਾਲਾ ਦਾਣਾ ਮੰਡੀ ਵਿਖੇ ਲਗਭਗ 25 ਸਾਲਾਂ ਤੋਂ ਸਰਕਾਰੀ ਪਾਣੀ ਨੂੰ ਤਰਸ ਰਹੇ
ਲੋਕਾਂ ਲਈ ਡਾ. ਇੰਦਰਬੀਰ ਸਿੰਘ ਨਿੱਜਰ ਮਸੀਹਾ ਸਾਬਤ ਹੋਏ ਹਨ। ਇਹਨਾਂ ਸ਼ਬਦਾਂ ਦਾ
ਪ੍ਰਗਟਾਵਾ ਡਾ. ਇੰਦਰਬੀਰ ਸਿੰਘ ਨਿੱਜਰ, ਮੰਤਰੀ ਸਥਾਨਕ ਸਰਕਾਰਾਂ ਦੇ ਓ.ਐਸ.ਡੀ.
ਮਨਪ੍ਰੀਤ ਸਿੰਘ ਨੇ ਕੀਤਾ। ਓ.ਐਸ.ਡੀ. ਨੇ ਦੱਸਿਆ ਕਿ ਪਿਛਲੇ ਸਮੇਂ ਵਿੱਚ ਸਰਕਾਰਾਂ ਨੇ
ਅੰਮ੍ਰਿਤਸਰ ਦੇ ਹਲਕਾ ਦੱਖਣੀ ਨੂੰ ਕੋਈ ਵੀ ਤਵੱਜੋ ਨਹੀਂ ਦਿੱਤੀ ਜਿਸ ਕਾਰਨ ਅੰਮ੍ਰਿਤਸਰ
ਹਲਕਾ-ਦੱਖਣੀ ਮੁੱਢਲੀਆਂ ਸਹੂਲਤਾਂ ਤੋਂ ਹਮੇਸ਼ਾਂ ਸੱਖਣਾ ਰਿਹਾ ਹੈ।
ਪ੍ਰੰਤੂ ਹੁਣ ਡਾ. ਨਿੱਜਰ, ਮੰਤਰੀ ਸਥਾਨਕ ਸਰਕਾਰਾਂ ਦੁਆਰਾ ਹਲਕੇ ਦਾ ਸਰਵ ਪੱਖੀ ਵਿਕਾਸ
ਕੀਤਾ ਜਾ ਰਿਹਾ ਹੈ। ਓ.ਐਸ.ਡੀ. ਨੇ ਦੱਸਿਆ ਕਿ ਮੰਤਰੀ ਡਾ. ਨਿੱਜਰ ਦਿਨ-ਰਾਤ ਲੋਕ ਸੇਵਾ
ਵਿੱਚ ਲੱਗੇ ਹੋਏ ਹਨ ਅਤੇ ਹਰ ਘਰ ਤੱਕ ਪੀਣ ਵਾਲਾ ਸਾਫ-ਸੁਥਰਾ ਪਾਣੀ ਪਹੁੰਚਾਉਣਾ ਉਹਨਾਂ
ਦਾ ਮੁਖ ਉਦੇਸ਼ਾਂ ਵਿੱਚੋਂ ਇੱਕ ਹੈ ਜਿਸ ਦੇ ਤਹਿਤ ਹੀ ਡਾ. ਨਿੱਜਰ ਦੇ ਹੁਕਮਾਂ ਅਨੁਸਾਰ
ਵਾਰਡ ਨੰਬਰ 65 ਰਾਧਾ ਕ੍ਰਿਸ਼ਨ ਕਾਲੋਨੀ ਦੇ ਵਸਨੀਕਾਂ ਦੀ ਮੁਸ਼ਕਿਲ ਨੂੰ ਹੱਲ ਕਰਨ ਲਈ ਇਹ
ਟਿਊਬਵੈਲ ਬੋਰ ਕੀਤਾ ਜਾ ਰਿਹਾ ਹੈ ਜਿਸ ਤੇ ਅੰਦਾਜਨ ਖਰਚਾ 14 ਲੱਖ ਰੁਪਏ ਆਵੇਗਾ। ਇਸ
ਮੌਕੇ ਤੇ ਇਲਾਕਾ ਨਿਵਾਸੀਆਂ ਨੇ ਡਾ. ਨਿੱਜਰ ਦਾ ਧੰਨਵਾਦ ਕਰਦੇ ਹੋਏ ਕਿਹਾ ਕਿ ਆਮ ਆਦਮੀ
ਪਾਰਟੀ ਦੀ ਸਰਕਾਰ ਸੱਚ ਮੁੱਚ ਹੀ ਆਮ ਲੋਕਾਂ ਲਈ ਕੰਮ ਕਰ ਰਹੀ ਹੈ। ਇਸ ਮੌਕੇ ਤੇ ਡਾ.
ਨਿੱਜਰ ਦੀ ਟੀਮ ਵੱਲੋਂ ਨਿਵੇਕਲੀ ਪਹਿਲ ਕਰਦੇ ਹੋਏ ਇਸ ਟਿਊਬਵੈੱਲ ਬੋਰ ਨੂੰ ਸੂਰੂ ਕਰਨ
ਦਾ ਸ਼ੁਭ ਆਰੰਭ ਵੀ ਇਸੇ ਹੀ ਇਲਾਕੇ ਦੇ ਇੱਕ ਬਜੁਰਗ ਆਮ ਆਦਮੀ ਸਵਰਨ ਸਿੰਘ ਪਾਸੋਂ
ਕਰਵਾਇਆ ਗਿਆ ਜਿਸਦੀ ਲੋਕਾਂ ਨੇ ਬਹੁਤ ਹੀ ਸਰਾਹਣਾ ਕੀਤੀ।
ਇਸ ਮੌਕੇ ਅਸ਼ੋਕ ਕੁਮਾਰ ਡੀ.ਐਸ.ਪੀ., ਜਸਪਾਲ ਸਿੰਘ ਭੁੱਲਰ, ਸੰਜੀਵ ਕੁਮਾਰ, ਸੰਦੀਪ
ਕੁਮਾਰ ਅਤੇ ਸਹੂੰ ਇਲਾਕਾ ਨਿਵਾਸੀ ਹਾਜਰ ਸਨ।
ਕੈਪਸ਼ਨ : ਇਲਾਕੇ ਦੇ ਇੱਕ ਬਜੁਰਗ ਆਮ ਆਦਮੀ ਸਵਰਨ ਸਿੰਘ ਪਾਸੋਂ ਟਿਊਬਵੈੱਲ ਬੋਰ ਦਾ ਕੰਮ
ਸ਼ੁਰੂ ਕਰਵਾਉਂਦੇ ਹੋਏ ਓ.ਐਸ.ਡੀ. ਮਨਪ੍ਰੀਤ ਸਿੰਘ।
ਨਵਾਂਸ਼ਹਿਰ ਟਾਈਮਜ਼ Nawanshahr Times ਨਵਾਂਸ਼ਹਿਰ, ਜ਼ਿਲ੍ਹਾ ਸ਼ਹੀਦ ਭਗਤ ਸਿੰਘ ਨਗਰ ਆਨਲਾਈਨ ਪੋਰਟਲ