ਜਿਲ੍ਹਾ ਸ਼ਹੀਦ ਭਗਤ ਸਿੰਘ ਨਗਰ ਪੁਲਿਸ ਵਲੋਂ 02 ਨਸ਼ਾ ਤਸਕਰਾਂ ਨੂੰ 100 ਗ੍ਰਾਮ ਹੈਰੋਇਨ, 03 ਲੱਖ 21 ਹਜਾਰ ਰੁਪਏ ਡਰੱਗਮਨੀ ਅਤੇ ਕਾਰ ਸਮੇਤ ਕੀਤਾ ਕਾਬੂ

ਜਿਲ੍ਹਾ ਸ਼ਹੀਦ ਭਗਤ ਸਿੰਘ ਨਗਰ ਪੁਲਿਸ ਵਲੋਂ  02 ਨਸ਼ਾ ਤਸਕਰਾਂ ਨੂੰ 100 ਗ੍ਰਾਮ ਹੈਰੋਇਨ, 03 ਲੱਖ 21 ਹਜਾਰ ਰੁਪਏ ਡਰੱਗਮਨੀ ਅਤੇ ਕਾਰ ਸਮੇਤ ਕੀਤਾ ਕਾਬੂ 

ਨਵਾਂਸ਼ਹਿਰ 24 ਮਈ - ਜਿਲ੍ਹਾ ਸ਼ਹੀਦ ਭਗਤ ਸਿੰਘ ਨਗਰ ਪੁਲਿਸ ਵਲੋਂ ਸ਼੍ਰੀਮਤੀ ਧੰਨਪ੍ਰੀਤ ਕੌਰ,  ਡਿਪਟੀ ਇੰਸਪੈਕਟਰ ਜਨਰਲ ਪੁਲਿਸ, ਲੁਧਿਆਣਾ ਰੇਂਜ, ਲੁਧਿਆਣਾ   ਦੇ ਦਿਸ਼ਾ ਨਿਰਦੇਸ਼ ਅਤੇ ਡਾ.ਮਹਿਤਾਬ ਸਿੰਘ, ਸੀਨੀਅਰ ਕਪਤਾਨ ਪੁਲਿਸ, ਸ਼ਹੀਦ ਭਗਤ ਸਿੰਘ ਨਗਰ, ਡਾ.ਮੁਕੇਸ ਕੁਮਾਰ,  ਕਪਤਾਨ ਪੁਲਿਸ (ਜਾਂਚ), ਸ਼ ਭ ਸ਼ ਨਗਰ ਅਤੇ ਸ਼੍ਰੀ ਪ੍ਰੇਮ ਕੁਮਾਰ,  ਉਪ ਕਪਤਾਨ ਪੁਲਿਸ (ਜਾਂਚ), ਸ਼.ਭ.ਸ਼.ਨਗਰ ਦੀ ਸੁਪਰਵੀਜਨ ਹੇਠ ਨਸ਼ਾ ਤਸਕਰਾਂ ਖਿਲਾਫ ਚਲਾਈ ਮਹਿਮ ਦੌਰਾਨ ਸੀ.ਆਈ.ਏ ਸ਼.ਭ.ਸ ਨਗਰ ਦੀ ਪੁਲਿਸ ਪਾਰਟੀ ਵਲੋਂ 02 ਨਸ਼ਾ ਤਸਕਰਾਂ ਨੂੰ ਕਾਬੂ ਕਰਕੇ ਉਹਨਾਂ ਪਾਸੋਂ 100 ਗ੍ਰਾਮ ਹੈਰੋਇਨ, 03 ਲੱਖ 21 ਹਜਾਰ ਰੁਪਏ ਡਰੱਗਮਨੀ ਅਤੇ ਇੱਕ ਬਰੀਜਾ ਕਾਰ ਬ੍ਰਾਮਦ ਕੀਤੀ ਗਈ।

                ਇਸ ਸਬੰਧੀ ਪ੍ਰੈਸ ਨੂੰ ਜਾਣਕਾਰੀ ਦਿੰਦੇ ਹੋਏ ਡਾ.ਮਹਿਤਾਬ ਸਿੰਘ,  ਸੀਨੀਅਰ ਕਪਤਾਨ ਪੁਲਿਸ, ਸ਼ਭਸ ਨਗਰ ਨੇ ਦੱਸਿਆ ਕਿ ਮਿਤੀ 23.05.2024 ਨੂੰ ਏ.ਐਸ.ਆਈ ਜਸਵੀਰ ਸਿੰਘ, ਨੇ ਸਮੇਤ ਸਾਥੀ ਕਰਮਚਾਰੀਆ ਦੇ ਗਸ਼ਤ ਦੌਰਾਨ ਪਿੰਡ ਕੁਲਾਮ/ਚੂਹੜਪੁਰ ਮੌੜ ਵਿਖੇ ਪਿੰਡ ਚੂਹੜ ਪੁਰ ਥਾਣਾ ਸਿਟੀ ਨਵਾਂਸ਼ਹਿਰ ਸਾਇਡ ਤੋਂ ਇੱਕ ਤੇਜ ਰਫਤਾਰ ਵਿੱਚ ਆ ਰਹੀ ਚਿੱਟੇ ਰੰਗ ਦੀ ਬਰੀਜਾ ਕਾਰ ਨੰਬਰੀ PB-32-AC-2684 ਨੂੰ ਕਾਬੂ ਕੀਤਾ, ਜਿਸ ਵਿੱਚ ਸਵਾਰ ਦੋ ਨੋਜਵਾਨਾ ਦੀ ਪਹਿਚਾਣ ਪਰਮਦੀਪ ਸਿੰਘ ਉਰਫ ਪਰਮ ਉਰਫ ਪੰਮੂ ਪੁੱਤਰ ਇੰਦਰਜੀਤ ਸਿੰਘ ਵਾਸੀ ਬੀ-2/222 ਨਿਊ ਅਦਰਸ਼ ਨਗਰ ਰੇਲਵੇ ਰੋਡ ਨਵਾਂਸ਼ਹਿਰ ਹਾਲ ਵਾਸੀ ਗਲੀ ਨੰ 11 ਹਰਗੋਬਿੰਦ ਨਗਰ, ਕੁਲਾਮ ਰੋਡ ਨਵਾਂਸ਼ਹਿਰ ਥਾਣਾ ਸਿਟੀ ਨਵਾਂਸ਼ਹਿਰ ਅਤੇ ਲਵਪ੍ਰੀਤ ਰਾਮ ਉਰਫ ਲਵ ਪੁੱਤਰ ਜਗਤਾਰ ਵਾਸੀ ਪਿੰਡ ਰਾਮਗੜ੍ਹ ਥਾਣਾ ਸਦਰ ਨਵਾਂਸ਼ਹਿਰ ਵਜੋਂ ਹੋਈ। ਜਿਹਨਾਂ ਪਾਸੋਂ 100 ਗ੍ਰਾਮ ਹੈਰੋਇਨ ਅਤੇ 3 ਲੱਖ 21 ਹਜਾਰਰੁਪਏ ਡਰੱਗ ਮਨੀ ਬ੍ਰਾਮਦ ਹੋਈ। ਜਿਸ ਤੇ ਉਕਤਾਨ ਦੋਸ਼ੀਆਨ ਦੇ ਖਿਲਾਫ ਮੁਕੱਦਮਾ ਨੰਬਰ 75 ਮਿਤੀ 23.05.2024ਅ/ਧ 21/25/29-61-85 ਐਨ.ਡੀ.ਪੀ.ਐਸ ਐਕਟ ਥਾਣਾ ਸਿਟੀ ਨਵਾਂਸ਼ਹਿਰ ਦਰਜ ਰਜਿਸਟਰ ਕੀਤਾ ਗਿਆ। 

ਗ੍ਰਿਫਤਾਰ ਦੋਸ਼ੀ :- 

1. ਪਰਮਦੀਪ ਸਿੰਘ ਉਰਫ ਪਰਮ ਉਰਫ ਪੰਮੂ ਪੁੱਤਰ ਇੰਦਰਜੀਤ ਸਿੰਘ ਵਾਸੀ ਬੀ-2/222 ਨਿਊ ਅਦਰਸ਼ ਨਗਰ ਰੇਲਵੇ ਰੋਡ ਨਵਾਂਸ਼ਹਿਰ ਹਾਲ ਵਾਸੀ ਗਲੀ ਨੰ 11 ਹਰਗੋਬਿੰਦ ਨਗਰ, ਕੁਲਾਮ ਰੋਡ ਨਵਾਂਸ਼ਹਿਰ ਥਾਣਾ ਸਿਟੀ ਨਵਾਂਸ਼ਹਿਰ।
2. ਲਵਪ੍ਰੀਤ ਰਾਮ ਉਰਫ ਲਵ ਪੁੱਤਰ ਜਗਤਾਰ ਵਾਸੀ ਪਿੰਡ ਰਾਮਗੜ੍ਹ ਥਾਣਾ ਸਦਰ ਨਵਾਂਸ਼ਹਿਰ।
ਬ੍ਰਾਮਦਗੀ:-
 ਹੈਰੋਇਨ : 100 ਗ੍ਰਾਮ
 ਕਾਰ : ਬਰੀਜਾ ਕਾਰ ਨੰਬਰੀ PB-32-AC-2684
 ਡਰੱਗ ਮਨੀ : 3 ਲੱਖ 21 ਹਜਾਰ ਰੁਪਏ